തളിക്കുളത്ത് കാറും ഓട്ടോറിക്ഷയും കൂട്ടിയിടിച്ചുണ്ടായ അപകടത്തിൽ ഒടിഞ്ഞു വീണ വൈദ്യുതി തൂണിനടിയിപ്പെട്ട് ഓട്ടോ ഡ്രൈവർക്ക് ദാരുണാന്ത്യം. ഓട്ടോ ഡ്രൈവർ ത്രിവേണി സ്വദേശി ഇത്തിക്കാട്ട് രതീഷ് (43) ആണ് മരിച്ചത്. തളിക്കുളം ഹൈസ്കൂൾ മൈതാനത്തിന് സമീപം ഉച്ചക്ക് രണ്ടോടെയായിരുന്നു അപകടം.
![](https://thrissurtimes.com/wp-content/uploads/2024/03/image-110-1024x768.png)
കാറും ഓട്ടോയും കൂട്ടിയിടിച്ച് വൈദ്യുതി തൂണിൽ ഇടിച്ചു കയറുകയായിരുന്നു, ഇതോടെ വൈദ്യുതി തൂൺ ഒടിഞ്ഞ് വീണു. ഓട്ടോയും തകർന്നു, വൈദ്യുതി തൂണിനടിയിൽ പെട്ട രതീഷ് തൽക്ഷണം മരിച്ചു,അപകടത്തിൽ കാറും മറിഞ്ഞു, കാറിലുണ്ടായിരുന്നവർക്ക് പരിക്കേറ്റു,ഇവരെ ആശുപത്രിയിൽ പ്രവേശിപ്പിച്ചു.