ലോക്സഭാ സ്പീക്കര് തിരഞ്ഞെടുപ്പ് ഇന്ന് നടക്കും. രാവിലെ 11 മണിക്കാണ് തിരഞ്ഞെടുപ്പ്. എന്ഡിഎ സ്ഥാനാര്ഥിയായി ഓം ബിര്ലയും പ്രതിപക്ഷ സ്ഥാനാര്ഥിയായി കൊടിക്കുന്നില് സുരേഷും മത്സരിക്കും.
ഡെപ്യൂട്ടി സ്പീക്കര് സ്ഥാനം നല്കാന് ബിജെപി തയ്യാറാകാത്തതിനെ തുടര്ന്നാണ് സ്പീക്കര് തിരഞ്ഞെടുപ്പിനുള്ള കളമൊരുങ്ങുന്നത്. എല്ലാ പ്രതിപക്ഷ പാര്ട്ടികളും അവരുടെ എം പിമാര്ക്ക് വിപ്പ് നല്കിയിട്ടുണ്ട്.
അതേസമയം രാഹുല് ഗാന്ധിയെ പ്രതിപക്ഷ നേതാവായി ഇന്ത്യ സഖ്യം തിരഞ്ഞെടുത്തു. പ്രതിപക്ഷത്തെ അവഗണിച്ച് മോദിക്ക് ഭരിക്കാനാവില്ലെന്ന് രാഹുല് ഗാന്ധി പറഞ്ഞു.