അപകടാവസ്ഥയിലുള്ള മരങ്ങള് മുറിച്ചു നീക്കുന്നതിന് തൃശൂര് കോര്പറേഷന്, കൊച്ചിന് ദേവസ്വം ബോര്ഡ് ജീവനക്കാര്ക്ക് നിര്ദേശം നല്കി. പൂരപറമ്പില് അലഞ്ഞ് തിരിയുന്ന മൃഗങ്ങളെ മാറ്റി സംരക്ഷിക്കും. മാലിന്യ ശേഖരണത്തിന് അധിക ബിന്നുകള് സ്ഥാപിക്കും. പൂരപറമ്പിലെ കുഴികളും സ്ലാബില്ലാത്ത കാനകളും അടച്ച് സുരക്ഷിതമാക്കും.
വേനല് കനക്കുന്ന പശ്ചാത്തലത്തില് സൂര്യാഘാതം, നിര്ജ്ജലീകരണം, മറ്റ് അടിയന്തര സാഹചര്യങ്ങള് നേരിടാന് ആരോഗ്യ സംഘത്തെ ജില്ലാ മെഡിക്കല് ഓഫീസറുടെ നേതൃത്വത്തില് നിയോഗിക്കും. അന്തരീക്ഷ താപനില ഉയർന്നു നിൽക്കുന്നതിനാൽ ചൂടിൽ തളരുന്നവർക്കായി കൂടുതൽ ഫസിലിറ്റേഷൻ സെൻ്ററുകൾ സജ്ജമാക്കും. ആവശ്യമായ ആംബുലന്സ് ഉള്പ്പെടെയുള്ള മെഡിക്കല് സൗകര്യങ്ങള് സജ്ജമാക്കും.