തൃപ്രയാർ : വല്ലാർപ്പാടത്തുനിന്ന് അരി കയറ്റി കോഴിക്കോട്ടേക്ക് പോയിരുന്ന കണ്ടെയ്നർ ലോറി തൃപ്രയാർ ജങ്ഷനിലെ ഡിവൈഡറിൽ ഇടിച്ചുമറിഞ്ഞു. വ്യാഴാഴ്ച പുലർച്ച മൂന്നോടെയാണ് അപകടം. ഡ്രൈവർ ഉറങ്ങിയതാണ് അപകടകാരണമെന്ന് പറയുന്നു.
![](https://thrissurtimes.com/wp-content/uploads/2024/03/image-93.png)
കൈയിനും തലയ്ക്കും നിസ്സാര പരിക്കേറ്റ ഡ്രൈവർ ചാവക്കാട് തങ്ങൾപ്പടി അമ്പലത്തുവീട്ടിൽ രെജീബി(37)നെ ലൈഫ് സപ്പോർട്ട് പ്രവർത്തകർ വലപ്പാട് സ്വകാര്യ ക്ലിനിക്കിൽ പ്രവേശിപ്പിച്ചു. കണ്ടെയ്നറിൽ ഉണ്ടായിരുന്ന അരി മറ്റൊരു ലോറിയിലേക്ക് മാറ്റി.