സ്കൂൾ സമയം രാവിലെ എട്ടുമുതൽ ഉച്ചയ്ക്ക് ഒരുമണി വരെ ശുപാർശയുമായി ഖാദർ കമ്മിറ്റി റിപ്പോർട്ട്
1 മുതൽ 12 വരെയുള്ള ക്ലാസുകളിൽ 35 കുട്ടികൾ മതിയെന്നും നിർദേശം
സ്കൂൾ സമയം രാവിലെ എട്ടുമുതൽ ഉച്ചയ്ക്ക് ഒരുമണി വരെയാക്കി മാറ്റണമെന്ന് ഖാദർ കമ്മിറ്റി റിപ്പോർട്ടിൽ ശുപാർശ. പ്രീ സ്കൂ‌ളിൽ 25, ഒന്നുമുതൽ 12 വരെയുള്ള ക്ലാസുകളിൽ 35 എന്നിങ്ങനെ കുട്ടികളുടെയെണ്ണം കുറയ്ക്കാനും നിർദേശം. ഇതടക്കമുള്ള ശുപാർശകളുള്ള ഖാദർ കമ്മിറ്റി റിപ്പോർട്ടിൻ്റെ രണ്ടാംഭാഗം ബുധനാഴ്‌ച ചേർന്ന മന്ത്രിസഭായോഗം അംഗീകരിച്ചു.തീരുമാനം എന്നുമുതൽ പ്രാബല്ല്യത്തിൽ വരുമെന്ന് അറിയിപ്പ് ഇതുവരെയും ലഭ്യമായിട്ടില്ല.