പത്താഴകുണ്ട് ഡാം: ഇന്ന് ഉച്ചയ്ക്ക് 12ന് തുറക്കും

വൃഷ്ടിപ്രദേശത്ത് മഴ തുടരുന്നതിനാൽ അധികജലം പുറത്തേക്ക് ഒഴുക്കുന്നതിന് പത്താഴകുണ്ട് ഡാം ഇന്ന് (ജൂലൈ 29) ഉച്ചയ്ക്ക് 12ന് തുറക്കും. മൂന്ന് സ്പിൽവേ ഷട്ടറുകൾ രണ്ട് സെന്റീമീറ്റർ വീതമാണ് തുറക്കുക. നിലവിലെ ജലനിരപ്പ് 13 ആയിട്ടുണ്ട്. പരമാവധി ജലനിരപ്പ് 14 മീറ്ററാണ്. അധിക ജലം ഒഴുകിപ്പോകുന്ന പത്താഴകുണ്ട് ചീർപ്പ്, മിണാലൂർ തോട്, കുറ്റിയങ്കാവ് തോട്, പെരിങ്ങണ്ടൂർ തോട് എന്നിവയുടെ സമീപത്തുള്ള പ്രദേശവാസികള്‍ ജാഗ്രത പാലിക്കണമെന്ന് വടക്കാഞ്ചേരി മൈനര്‍ ഇറിഗേഷന്‍ ഉപവിഭാഗം അസി. എക്‌സി. എന്‍ജിനീയര്‍ അറിയിച്ചു.