ജോസ് ആലുക്കാസ് പുതിയ ഫ്ലാഗ്ഷിപ്പ് ഷോറൂം കോയമ്പത്തൂരിൽ.രണ്ട് നിലകളിലകളിൽ 8000 ചതുരശ്ര അടി വിസ്തീർണ്ണത്തിലുള്ള ഈ ഫ്ലാഗ്ഷിപ് ഷോറൂം ജോസ് ആലുക്കാസിന്റെ കോയമ്പത്തൂരിലെ ഏറ്റവും വലിയ സ്റ്റോറാണ്. ബ്രാൻഡിന്റെ സ്വർണ്ണം, വജ്രം, പ്ലാറ്റിനം, വെള്ളി ആഭരണങ്ങളുടെ സമ്പൂർണ്ണ ശ്രേണി, ബ്രൈഡൽ, ഉത്സവം, സമകാലികം എന്നീ ശേഖരങ്ങൾ ഒരുമിച്ച് കൊണ്ടുവരുന്നു.
ജോസ് ആലുക്കാസ് മാനേജിംഗ് ഡയറക്ടർമാരായ വർഗീസ് ആലുക്കാസ്, പോൾ ആലുക്കാസ്, ജോൺ ആലുക്കാസ് എന്നിവർ ചടങ്ങിൽ പങ്കെടുത്തു. കോയമ്പത്തൂർ എംപി ഡോ. ഗണപതി രാജ് കുമാർ , കോയമ്പത്തൂർ മുനിസിപ്പൽ കോർപ്പറേഷൻ മേയർ കെ. രംഗനായകി, ഡെപ്യൂട്ടി മേയർ ആർ. വെട്രിസെൽവൻ എന്നിവറം ചടങ്ങിൽ സന്നിഹിതരായിരുന്നു.ബ്രാൻഡ് അംബാസഡറും നടനുമായ ആർ. മാധവൻ ഫ്ലാഗ്ഷിപ്പ് സ്റ്റോർ ഉദ്ഘാടനം ചെയ്തു. ഫ്ലാഗ്ഷിപ് ഷോറൂം ഉത്ഘാടനച്ചടങ്ങിൽ ജോസ് ആലുക്കാസ് ഗ്രൂപ്പ് ചെയർമാൻ ജോസ് ആലുക്കാസിന്റെ ആത്മകഥയായ ‘ഗോൾഡിന്റെ’ തമിഴ് പതിപ്പും പുറത്തിറക്കി.
”
കേരളത്തിലെ തൃശ്ശൂരിൽ നിന്നുള്ള ശ്രീ ജോസ് ആലുക്കാസിന്റെ പ്രചോദനാത്മകമായ യാത്രയും, ജോസ് ആലുക്കാസിനെ ഇന്ത്യയിലെ ഏറ്റവും ആദരണീയമായ ആഭരണ ബ്രാൻഡുകളിലൊന്നാക്കി മാറ്റിയ ദർശനവും ‘ഗോൾഡ്’ എന്ന ആത്മകഥയിൽ രേഖപ്പെടുത്തുന്നു. സ്വർണ്ണ വ്യവസായത്തിൽ സുതാര്യതയും വിശ്വാസ്യതയും കൊണ്ടുവന്ന 916 പ്യൂരിറ്റി മാനദണ്ഡങ്ങളും BIS ഹാൾമാർക്ക് സർട്ടിഫിക്കേഷനും അവതരിപ്പിക്കുന്നതിൽ അദ്ദേഹത്തിന്റെ മുൻനിര പങ്കിനെ ഇത് എടുത്തുകാണിക്കുന്നു.