മതിലകം: പാപ്പിനിവട്ടം ബാങ്കിൽ മുക്കുപണ്ടം പണയംവെച്ച കേസിൽ പ്രതി അറസ്റ്റിൽ. പുതിയകാവ് സ്വദേശി പുഴങ്കരയില്ലത്ത് സിദ്ദിഖി(54)നെയാണ് മതിലകം പോലീസ് അറസ്റ്റുചെയ്തത്
ബുധനാഴ്ച പുന്നക്കുരു ബസാറിലെ പാപ്പിനിവട്ടം കോ-ഓപ്പറേറ്റീവ് ബാങ്കിലാണ് സിദ്ദിഖ് രണ്ട് വളകൾ പണയംെവച്ച് 88,000 രൂപ വാങ്ങിയത്. പണയംെവച്ച വളകളെക്കുറിച്ച് സംശയം തോന്നിയ ഉദ്യോഗസ്ഥർ പരിശോധിച്ചപ്പോൾ മുക്കുപണ്ടമാണെന്ന് മനസ്സിലായി പോലീസ് സ്റ്റേഷനിൽ അറിയിക്കുകയായിരുന്നു. സമാനരീതിയിൽ മറ്റ് ബാങ്കുകളിൽ പ്രതി മുക്കുപണ്ടങ്ങൾ പണയത്തിൽ വെച്ചിട്ടുണ്ടോ എന്ന കാര്യം അന്വേഷിച്ചുവരുകയാണ്.
മതിലകം എസ്.എച്ച്.ഒ. എം.കെ. ഷാജിയുടെ നേതൃത്വത്തിൽ എസ്.ഐ. രമ്യാ കാർത്തികേയൻ, എ.എസ്.ഐ. വിനയൻ എന്നിവർ ചേർന്ന സംഘമാണ് പ്രതിയെ അറസ്റ്റുചെയ്തത്.