മലക്കപ്പാറ: വാൽപ്പാറയിൽ ഹോം സ്റ്റേയിൽ പുലി കയറി. ചൊവ്വാഴ്‌ച പുലർച്ചെ രണ്ടുമണിയോടെ വാൽപ്പാറ ടൗണിലുള്ള കോ- ഓപ്പറേറ്റീവ് കോളനിയിൽ സ്റ്റാലിൻ എന്നയാളുടെ വീടിനോട് ചേർന്നുള്ള ഹോം സ്റ്റേയിലാണ് പുലി കയറിയത്. ശബ്ദം കേട്ട് വീട്ടിൽ ഉണ്ടായിരുന്നവർ സി.സി.ടി.വി. നോക്കിയപ്പോഴാണ് വീട്ടുവളപ്പിൽ പുലി നിൽക്കുന്നതായി കണ്ടത്.
കുറച്ചുദിവസംമുൻപ് ഈ മേഖലയിലാണ് പുലി ത്ധാർഖണ്ഡ് സ്വദേശിയായ കുട്ടിയെ ആക്രമിച്ചുകൊന്നത്. വന്യമൃഗശല്യം അതിരൂക്ഷമായിട്ടും ഈ മേഖലയിൽ വനംവകുപ്പ് കാര്യമായി ഇടപെടുന്നില്ലെന്ന് നാട്ടുകാർ ആരോപിക്കുന്നു.
