തൃശൂർ ഗവ.എൻജിനീയറിങ് കോളജ് മെക്കാനിക്കൽ എൻജിനീയറിങ് വിഭാഗം സംഘടിപ്പിക്കുന്ന തൃശൂർ മോട്ടർ ഷോയ്ക്ക് (ടിഎംഎസ്-24) ശക്തൻ മൈതാനിയിൽ തുടക്കമായി. ‘റെവിങ് അപ് ദ് ഫ്യൂച്ചർ’ എന്ന പ്രമേയത്തിൽ ഓട്ടോ എക്സ്പോയും റോബട്ടിക്സും സംയോജിപ്പിച്ചാണ് പ്രദർശനം ഒരുക്കിയിരിക്കുന്നത്. പി.ബാലചന്ദ്രൻ എംഎൽഎ മോട്ടർ ഷോ ഉദ്ഘാടനം ചെയ്തു. ഗവ.എൻജിനീയറിങ് കോളജ് പ്രിൻസിപ്പൽ ഡോ.കെ.മീനാക്ഷി അധ്യക്ഷതവഹിച്ചു.
സിറ്റി പൊലീസ് കമ്മിഷണർ ആർ.ഇളങ്കോ പ്രഫ.ടി. കൃഷ്‌ണകുമാർ, പ്രഫ.സി.പി.സുനിൽകുമാർ, പ്രഫ.രാജേഷ് വഞ്ചിപ്പുര, വി.ആർ.സുരേഷ് ചന്ദ്രൻ, ആർ.അഭിരാം, ആയ്ഷ റഫീഖ്, പ്രഫ.ജെയീ കെ.വർഗീസ്, അബ്ദു റൗഫ് എന്നിവർ പ്രസംഗിച്ചു. 9 മുതൽ രാത്രി 9 വരെയാണു പ്രദർശന സമയം. ദിവസവും വൈകിട്ട് 6നു സാംസ്കാരിക പരിപാടികളും ഉണ്ടാകും. മോട്ടർ ഷോ 27 വരെ തുടരും.
