വടക്കാഞ്ചേരി നഗരസഭയിൽ വിജിലൻസ് റെയ്‌ഡ്കൈക്കൂലി വാങ്ങിയ 2 ജീവനക്കാർ പിടിയിൽ

വടക്കാഞ്ചേരി: വടക്കാഞ്ചേരി നഗരസഭയിൽ വിജിലൻസ് റെയ്‌ഡ്. കൈക്കൂലി വാങ്ങിയ സംഭവത്തിൽ ക്ലീൻ സിറ്റി മാനേജരുൾപ്പെടെ രണ്ട് ജീവനക്കാർ വിജിലൻസ് പിടിയിൽ. നഗരസഭ ക്ലീൻ സിറ്റി മാനേജരായ ഹെൽത്ത് ഇൻസ്പെക്ടർ ജിതേഷ് കുമാർ, ശുചീകരണ തൊഴിലാളിയായ സന്തോഷ് എന്നിവരാണ് പിടിയിലായത്. പാർളിക്കാടുള്ള ആക്രിക്കട ഉടമയോട് 3000 രൂപ കൈക്കൂലി ആവശ്യപ്പെട്ടുവെന്ന പരാതിയിൽ വ്യാഴാഴ്‌ച നഗരസഭ ഓഫീസിൽ നടന്ന റെയ്‌ഡിലാണ് ഇവരെ പിടികൂടിയത്. വിജിലൻസ് ഡിവൈഎസ്‌പി ജിം പോളിന്റെ നേതൃത്വത്തിലുള്ള സംഘത്തിൽ ഗ്രേഡ് എസ് ഐ ബൈജു, ഇൻസ്പെക്ടർ അനീഷ്, എഎസ്ഐമാരായ ദിനേഷ്, രഞ്ജിത്ത്, സിപിഒ മാരായ ഗണേഷ്, ലിജോ, സിബിൻ, രതീഷ് എന്നിവരാണ് സംഘത്തിലുണ്ടായിരുന്നത്.