ലോകേഷ് കനകരാജ് സംവിധാനം ചെയ്ത കൂലി സിനിമയുടെ ആദ്യ ദിവസത്തെ ആദ്യ ഷോ കാണാനെത്തിയ നടി ശ്രുതി ഹാസൻ്റെ കാർ ചെന്നൈയിലെ തിയേറ്റർ സെക്യൂരിറ്റി തടഞ്ഞ വീഡിയോ വൈറലാകുന്നു. താൻ ഈ സിനിമയിലെ നായികയാണെന്ന് നടിക്ക് പറയേണ്ടി വന്നു. സെക്യൂരിറ്റി ജീവനക്കാരൻ്റെത് ഓവർ പെർഫോമൻസാണെന്ന് സോഷ്യൽ മീഡിയ പറയുന്നു.
സിംഗപ്പൂര്- തമിഴ് റാപ്പര് യുങ് രാജ ഇന്സ്റ്റഗ്രാമില് വീഡിയോ പോസ്റ്റ് ചെയ്തു. ശ്രുതി കാറില് സുഹൃത്തുക്കളോടൊപ്പം സിനിമ കാണാൻ എത്തിയതായിരുന്നു. സെക്യൂരിറ്റിക്കാരൻ ഗേറ്റിൽവെച്ച് കാർ തടയുകയായിരുന്നു. നടിയെ അയാൾ തിരിച്ചറിഞ്ഞില്ലെന്നാണ് തോന്നുന്നത്. ‘ഞാന് ഈ സിനിമയിലുണ്ട്. ദയവായി എന്നെ കടത്തിവിടൂ അണ്ണാ. ഞാന് നായികയാണ് സര്’- എന്നിങ്ങനെ നടി പറയുന്നത് കേൾക്കാം.