തൊടുപുഴ: സംസ്ഥാനത്ത് കാട്ടാന ആക്രമണത്തിൽ ഒരാള് കൂടി മരിച്ചു. ഇടുക്കിയില് കാട്ടാനയുടെ ആക്രമണത്തില് കാഞ്ഞിരപ്പള്ളി സ്വദേശി പുരുഷോത്തമന് (64) ആണ് മരിച്ചത്. ടാപ്പിങ് തൊഴിലാളിയാണ്.
കാലങ്ങളായി ഈ പ്രദേശത്ത് കാട്ടാനയുടെ ശല്യമുണ്ട്. കൊമ്പന്പാറയില് വീട്ടമ്മ കാട്ടാനയുടെ ആക്രമണത്തില് മരിച്ചത് ഈ സ്ഥലത്തിന് സമീപത്തുള്ള പ്രദേശത്ത് വച്ചാണ്. സംഭവത്തിന് ശേഷം പ്രദേശത്ത് ഫെന്സിങ് സ്ഥാപിക്കണമെന്നതായിരുന്നു നാട്ടുകാരുടെ ആവശ്യം. എന്നാല് വനംവകുപ്പിന്റെ ഭാഗത്ത് നിന്ന് ആവശ്യമായ സുരക്ഷാ നടപടികള് ഇല്ലാത്തതാണ് വീണ്ടും ആളപായം ഉണ്ടാവാന് കാരണമെന്ന് നാട്ടുകാര് ആരോപിക്കുന്നു.
