തൃശ്ശൂർ മേലൂരിൽ കിണറിടിഞ്ഞു

ചാലക്കുടി:മേലൂർ പഞ്ചായത്തിൽ വീണ്ടും കിണറിടിഞ്ഞു. ഒന്നാംവാർഡ് ശാന്തിപുരത്ത് നെറ്റിക്കാടൻ തങ്കമ്മയുടെ വീട്ടുപറമ്പിലെ കിണറാണ് ഇടിഞ്ഞത്. കിണറിനോട് ചേർന്നുണ്ടായിരുന്ന മോട്ടോർ ഷെഡും മോട്ടോറും കിണറിലേക്ക് പതിച്ചു. പറമ്പിൽ ജോലിക്കെത്തിയവരാണ് സംഭവം അറിഞ്ഞത്. ആഴ്‌ചകൾക്ക് മുമ്പ് ഇതിന് സമീപത്ത് മറ്റൊരു പറമ്പിലെ വീട്ടുകിണറും ഇടിഞ്ഞിരുന്നു.