മണലാടി ജനവാസ മേഖലയിൽ തീപിടിത്തം

പാഞ്ഞാൾ :മണലാടിയിൽ ജനവാസ മേഖലയിൽ തീപിടിത്തം. തീയണയ്ക്കാനുള്ള നാട്ടുകാരുടെ ശ്രമം വിഫലമായതോടെ വടക്കാഞ്ചേരി ഫയർഫോഴ്സ് എത്തി ഏറെ നേരത്തെ പരിശ്രമത്തിനൊടുവിലാണ് തീയണയ്ക്കാനായത്. പാഞ്ഞാൾ വെട്ടിക്കാട്ടിരി റോഡിന് സമീപത്തെ സ്വകാര്യ പറമ്പിൽ ആണ് ഞായറാഴ്ച്‌ച രാത്രി 7.30 ഓടെ തീപിടിത്തം ഉണ്ടായത്. അടിക്കാടും, മരങ്ങളും കത്തി നശിച്ചു. പ്രദേശത്ത് കൂട്ടിയിട്ട മാലിന്യത്തിൽ നിന്നാണ് തീ പടർന്നതെന്നാണ് നിഗമനം.