സംവിധായകൻ, സെലിബ്രിറ്റി ഫോട്ടോഗ്രാഫർ എന്നീ നിലകളിൽ തിളങ്ങിയ അനീഷ് ഉപാസന വീണ്ടും വിവാഹം കഴിക്കുന്നു. സീരിയൽ, വെബ് സീരിസ് താരം തുഷാരയാണ് വധു. നടിക്കൊപ്പമുള്ള ചിത്രം പങ്കുവെച്ച് സഖിയോടൊപ്പം എന്നാണ് അനീഷ് കുറിച്ചത്.
ഒപ്പം ഒരു ചുവന്ന ഹാർട്ട് ഇമോജിയും ലൈഫ്, പാട്നർ എന്നീ ഹാഷ്ടാഗുകളും അനീഷ് ചേർത്തിരുന്നു. നിരവധി പേരാണ് ഇരുവർക്കും ആശംസകളുമായി എത്തിയത്. തുഷാരയുമായി അനീഷിന്റെ രണ്ടാം വിവാഹമാണ്. ആദ്യ വിവാഹം നടി അഞ്ജലി നായരുമായിട്ടായിരുന്നു.
ആ ബന്ധത്തിൽ ഒരു മകളും ഇരുവർക്കുമുണ്ട്. തമിഴിൽ അടക്കം സജീവമായി അഭിനയിക്കുന്ന ബാലതാരം ആവണിയാണ് അനീഷ് ഉപാസനയുടെ മകൾ. അഞ്ജലിയുമായുള്ള ബന്ധം വേർപ്പെടുത്തിയപ്പോൾ കുഞ്ഞിന്റെ സംരക്ഷണം അഞ്ജലിക്കായി. ഏറെനാൾ സിംഗിൾ മദറായി ജീവിച്ച അഞ്ജലി 2021ൽ അജിത്ത് രാജുവിനെ വിവാഹം ചെയ്തു.