സോഷ്യൽ മീഡിയയിലൂടെ പ്രേക്ഷക സ്വീകാര്യത നേടിയ ക്രിയേറ്റേഴ്സിനെ പ്രധാന കഥാപാത്രങ്ങളാക്കി തിയേറ്ററുകളിൽ എത്തി ഹിറ്റ് അടിച്ച ചിത്രമാണ് ‘വാഴ’. തിയേറ്ററിൽ എത്തി ഒമ്പത് ദിവസം പിന്നിടുമ്പോൾ ചിത്രം ഇന്ത്യ ഒട്ടാകെ പത്ത് കോടി കളക്ഷൻ കടന്നിരിക്കുകയാണ് ചിത്രം.
നാല് കോടി ബജറ്റിൽ ഒരുങ്ങിയ ചിത്രം ഇപ്പോൾ 10.73 കോടിയാണ് ഇന്ത്യയിൽ നിന്ന് സ്വന്തമാക്കിയിരിക്കുന്നത്. ‘ജയ ജയ ജയ ജയ ഹേ’ എന്ന ചിത്രത്തിലൂടെ ശ്രദ്ധേയനായ സംവിധായകൻ വിപിൻ ദാസ് തിരക്കഥയൊരുക്കിയ ചിത്രമാണ് ‘വാഴ’. ആനന്ദ് മേനോനാണ് ചിത്രത്തിന്റെ സംവിധായകൻ. ഒരുപാട് ആൺകുട്ടികളുടെ ആത്മകഥ എന്ന ടാഗ് ലൈനോട് കൂടിയാണ് ചിത്രം തിയറ്ററുകളിൽ എത്തിയത്. മികച്ച വിജയം നേടി മുന്നേറുന്ന ‘വാഴ’യുടെ രണ്ടാം ഭാഗവും അണിയറക്കാർ കഴിഞ്ഞ ദിവസം പ്രഖ്യാപിച്ചിരുന്നു.